|
ढल्केवर, धनुषा
जङ्गलबाट आएका हात्तीले धनुषाको ढल्केवरमा सातवटा घर भत्काएको छ । आइतबार राती १ बजे पूर्वतर्फबाट आएका दुईवटा हात्तीले ढल्केवरस्थित नयाँ टोलमा चारवटा र खानेपानी टंकीटोलमा तीनवटा घर भत्काएको हो ।
स्थानीयका अनुसार पूर्व बसही खोला हुँदै नयाँ टोलमा प्रवेश गरेका हात्तीले घरहरु भत्काउन थालेपछि स्थानीयवासीले आगो बालेर थाल पिट्दै लखेटेको थियो । स्थानीयवासीले खलेटेपछि नयाँ टोलबाट भागेका हात्ती खानेपानी टंकी टोलमा गएर तीनवटा घरमा क्षति पु¥याएको छ ।
इलाका प्रहरी कार्यालय ढल्केवरका प्रहरी निरीक्षक रामसागर सिंहले हात्तीले मानवीय क्षति नगरेपनि घर भत्काएर घरभित्र भएका अन्नपात खाइदिएको बताए । उनले गाउँमा जङ्गली हात्ती प्रवेश गरेर घरहरु भत्काइरहेको जानकारी पाउनसाथ घटनास्थल पुगेर स्थानीयको सहयोग जङ्गगलतर्फ धपाइएको जनाए ।
