|
ढल्केवर, धनुषा
राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देन शुक्रबार धनुषाको ढल्केवर आउने भएको छ । पार्टीले आयोजना गर्ने वृहत आमसभालाई सम्बोधन गर्न अध्यक्ष लिङ्देन यहाँ आउन लागेको हो ।
आउँदो प्रतिनिधिसभा र प्रदेशसभा सदस्यको चुनावलाई दृष्टिगत गर्दै आमसभाको आयोजना गरिन लागेको बुझिएको छ । पार्टीको वृहत आमसभामा सहभागी हुन अध्यक्ष लिङ्देन शुक्रबार बिहान ११ बजे ढल्केवर आउने कार्यक्रम रहेको राप्रपा युवा संगठनका केन्द्रीय सदस्य उमेश महतोले बताए ।
सो अवसरमा विभिन्न पार्टी परित्याग गरी राप्रपा प्रवेश गर्न चाहनेहरुलाई लिङ्देनले पार्टी प्रवेश गराउनेछन् ।
