|
ढल्केवर, धनुषा
धनुषा जिल्लाको मिथिला नगरपालिका वडा नं. ६ ढल्केवरबाट जनमत पार्टीबाट वडा अध्यक्ष पदमा चुनाव लडेका विजय महतो नेकपा एकीकृत समाजवादी पार्टीमा प्रवेश गरेका छन् ।
जनमत पार्टी परित्याग गरी नेकपा एसमा प्रवेश गरेका महतोलाई नेकपा एकीकृत समाजवादीका नेता तथा धनुषा–४ (ख) प्रदेशसभा सदस्यका उम्मेदवार सत्रुधन महतोले अबिरमाला लगाएर पार्टीमा स्वागत गरेका थिए ।
पार्टी प्रवेश कार्यक्रममा विजयसहित जनमत पार्टी परित्यागरी सयौंको संख्यामा नेता कार्यकर्ता नेकपा एसमा प्रवेश गरेको बुझिएको छ ।
