ढल्केवर, धनुषा

धनुषाको ढल्केवरमा रहेको कोमल होटलले अंग्रेजी नयाँ वर्ष २०२३ को अवसरमा विशेष साँस्कृति कार्यक्रम गर्ने भएको छ । कोमल होटलले अंग्रेजी नयाँ वर्षको पूर्व सन्ध्या अर्थात शनिबार साँझ विशेष साँस्कृतिक कार्यक्रम गर्न लागेको हो ।

कोमल होटलले यसअघिका नेपालको नयाँ वर्ष र विशेष अवसरहरुमा विशेष कार्यक्रम आयोजना गर्दै आएको छ ।
‘न्यु एयर इभ’ मा चर्चित गायक, कमेडियन र नृत्याङ्गनाको प्रस्तुती रहने छ ।

‘न्यु एयर इभ’ मा मनोरञ्जन प्रदान गर्ने उद्देश्यले देशकै चर्चित कलाकार ल्याएर साँस्कृतिक कार्यक्रम गर्न लागिएको होटल सञ्चालक प्रमोद साहले बताए । यसैगरी कोमल होटेलले नयाँ वर्षको अवसरमा आकर्षक छुट सहितका बिभिन्न प्याकेजको ब्यबस्थासमेत मिलाएको छ ।

ढल्केवरमा निकै आकर्षक र सुन्दर वातावरणमा कोमल होटलले सुविधा सम्पन्न वासस्थान, सभाहल र रुफटप रेष्टुरेण्ट पनि संचालन गर्दै आएको छ ।