|
महेन्द्रनगर, धनुषा
धनुषाको महेन्द्रनगरमा रहेको सहकारी पेट्रोलपम्म नयाँ सिराबाट सञ्चालनमा आएको छ । महेन्द्रनगरका युवा व्यवसायी सुशिलकुमार चौधरीले श्री सहकारी संस्थाद्वारा सञ्चालित पेट्रोलपम्म ठेक्कामा लिएर नयाँ सिराबाट सञ्चालनमा ल्याएको हो ।
आपसी समझदारीमा ठेक्का लिएका चौधरीले सेवाग्राहीको आवश्यकतालाई मध्यनजर गर्दै महेन्द्रनगर क्षेत्रमा पहिलो पटक चौबिसै घण्टा पेट्रोलियम पदार्थ उपलब्ध गराउने बताए ।
सो पेट्रोलपम्मको एक अनौपचारिक कार्यक्रमबीच शनिबार उद्घाटन गरिएको छ । सञ्चालक चौधरीको ३ वर्षीया भतिजी ईशानी चौधरीले सेवाग्राहीलाई पेट्रोलियम पदार्थ वितरण गरेर उद्घाटन गरेको थियो । त्यस अवसरमा व्यापारी, बुद्धिजीविलगायत स्थानीयवासीको उपस्थिति रहेको थियो ।
