|
ढल्केवर
धनुषाको नकटाझिजमा आयोजित राष्ट्रिय महिला हक्की प्रतियोगितामा मधेश प्रदेश तेस्रो स्थान प्राप्त गरेका छन् ।
शुक्रबार तेस्रो स्थानका लागि सुदूरपश्चिम र मधेश प्रदेशबीच भएको खेलमा मधेश प्रदेशले १–० गोलको जित निकाल्दै तेस्रो स्थान प्राप्त गरेका हुन् । मधेश प्रदेशका लागि जर्सी नं. ७ का खेलाडी अन्जलीकुमार साहले गोल गर्नुभयो । उहाँले खेलको १५ औं मिनटमा गोल गर्नुभएको थियो ।
नेपाल हक्की सङ्घ र मिथिला नगरपालिकाको संयुक्त आयोजनामा नकटाझिजस्थित हिमालय युवा क्लबको खेल मैदानमा पाचौं सहाना प्रधान स्मृति राष्ट्रिय महिला हक्की प्रतियोगिता भइरहेको छ ।
प्रतियोगिताको फाइलन खेल शनिबार दिनको २ बजे हुने आयोजकले जानकारी दिएको छ ।
