|
धनुषाको ढल्केवर चोकमा रहेको पार्क फेरि जगमग बनेको छ । दीपावलीको अवसरमा सो पार्कलाई फेरि जगमग बनाइएको हो ।
लक्ष्मी पुजा मेला समिति ढल्केवरले झलक्क चम्कने गरी पार्कलाई सजाइएको बताइएको छ । झिलमिल बत्ति र विभिन्न रङ्गका कपडाले पार्कलाई आकर्षक बनाइएको मेला समितिका अध्यक्ष जीवनकुमार साहले बताए ।
पार्क सजाउँदा दीपावलीमा ढल्केवर चोकको रौनक अझ बढ्ने र मेला भर्न आउनेहरुका लागि रमाइलो हुने उनले जानकारी दिए ।
लक्ष्मी पुजाको अवसरमा कात्तिक २७ र २८ गते बेलुका ४ देखि १० बजे रातीसम्म साँस्कृति कार्यक्रमको आयोजना समेत गरिएको अध्यक्ष साहले बताए ।
यसअघि दसैंको अवसरमा दुर्गा मेला समिति ढल्केवरले मनमोहक ढङ्गले सो पार्कलाई सजएका थिए ।
