सैनामैना, रुपन्देही

रुपन्देहीको सैनामैना नगरपालिका–४, मा रहेको स्वरोजगार लघुवित्त वित्तीय संस्थाले छात्रवृत्ति वितरण गरेको छ । सैनामैनामा शनिबार एक कार्यक्रमको आयोजना गरी २० जना विद्यार्थीलाई जनही एक हजार दुई सय रुपियाँ नगद छात्रवृत्ति वितरण गरिएको हो ।

स्वरोजगार लघुवित्त वित्तीय संस्थाका शाखा प्रबन्धक भुवन आचार्यले यस संस्थामा आवद्ध सेवाग्राही सदस्यका छोराछोरीलाई सो छात्रवृत्ति प्रदान गरिएको छ । संस्थाको सामाजिक दायित्व कार्यक्रमअन्तर्गत छात्रवृति प्रदान गरिएको उनले जानकारी दिए ।

संस्थाको क्षेत्रीय प्रमुख सरोज पौडेलको प्रमुख आतिथ्यमा भएकोे छात्रवृत्ति कार्यक्रममा संस्थाका चन्द्रदेव खनाल, तपेन्द्र मण्डारी, रिता चौधरी र मिठु महतलगायत संस्थाका पदाधिकारी तथा स्थानीयको उपस्थिति रहेको थियो ।