|
ढल्केबर, धनुषा
१७ औं गणतन्त्र दिवसको अवसरमा धनुषाको महेन्द्रनगरमा मंगलबार ४० वर्षमाथिका पुरुषबीच दौड प्रतियोगिता सम्पन्न भएको छ । क्षीरेश्वरनाथ नगरपालिका नेकपा एमाले नगर कमिटीको आयोजना सम्पन्न दौड प्रतियोगिता ४३ जनाको सहभागिता रहेको थियो ।
निर्धारित ५ किलो मिटर दुरीको दौड प्रतियोगितामा घुरण महतो प्रथम हुनुभएको छ भने जितेन्द्र साह द्वितीय, रहमतुल्ला कवाडी तृतीय र सञ्जय श्रेष्ठ सान्त्वना पुरस्कार जित्नुभएको छ ।
प्रतियोगितामा प्रथम हुने घुरणलाई नगद ११ हजार रुपियाँ र शिल्ड प्राप्त गर्नुभयो । द्वितीय हुनेले नगद आठ हजार एक सय, तृतीय हुनेले पाँच हजार एक सय र चौथो स्थान हासिल गर्नुहुनेले तीन हजार एक सय रुपियाँ तथा शिल्ड प्राप्त गर्नुभयो ।
दौड प्रतियोगिताका विजेताहरुलाई क्षीरेश्वरनाथ नगरपालिकाका नगर प्रमुख सुखदेव यादवलगायत अतिथिले सो पुरस्कार प्रदान गर्नुभयो ।
