ढल्केबर, धनुषा । धनुषाको ढल्केवरस्थित बसही खोला किनारमा वृक्षरोपण गरिएको छ । बुधबार लायन्स क्बल अफ मिथिलाले वृक्षरोपण गरेको हो । लायन्स क्बल अफ मिथिलाका अध्यक्ष शिव तिमिल्सिनाले प्रकृतिको प्रकोप न्यूनीकरण गर्नका लागि खोला किनारको खाली जमिनमा विभिन्न प्रजातिको वृक्षरोपण गरिएको बताउनुभयो ।

हरियाली वृद्धि गर्न सरकारका सञ्चालकहरुलाई मात्रै दोष देखाउन नहुने बताउँदै उहाँले प्रत्येक नागरिक र संघसंस्थाले आ–आफ्नो तर्फबाट दायित्व निर्वाह गर्नुपर्ने जानकारी दिनुभयो । त्यही दायित्व अन्तर्गत लायन्क क्लबको तर्फबाट वृक्षरोपण गरिएको अध्यक्ष तिमिल्सिनाको भनाइ छ ।

वृक्षरोपण कार्यक्रममा मिथिला उद्योग बाणिज्य संघ, खानेपानी तथा सरसफाइ उपभोक्ता समिति, मिथिला ब्याडमिन्टन क्बल र मिथिला युवा सञ्चाल लगायत स्थानीय तहका जनप्रतिनिधिहरुको सहभागिता रहेको थियो ।